A Concellaría de Participación Cidadá, Educación e Medio Rural pon en marcha un ano máis o programa Mañás de campamento.
O obxectivo é facilitar ás familias de Culleredo a conciliación da vida familiar e laboral en períodos non lectivos de verán, dentro de espazos formativos para a aprendizaxe dun ocio san.
O programa está dirixido a menores de entre 3 e 12 anos matriculados en Educación Infantil ou Primaria.
Iniciarase o luns 26 de xuño e rematará o día 1 de setembro, en distintas quendas entre as que escoller unha.
A solicitude farase a través dun formulario.
SOLICITUDE DE PRAZA
Do 10 ao 21 de abril (ambos os dous incluídos), de dúas maneiras:
-
Prioritariamente, a través do formulario correspondente. O formulario estará aberto desde o día 10 de abril ás 00:00 h ata o 21 de abril ás 23:59 h. Para acceder ao formulario é necesaria unha conta de Gmail/Google. Se non dispós de conta de Gmail/Google, podes poñerte en contacto co Servizo municipal de Educación para buscar unha alternativa.
-
Nos casos nos que non se poida acceder ao formulario, de forma presencial os mesmos días en horario de 09:00 a 14:00 h no Edificio de Servizos Múltiples. Aínda que non é imprescindible, se concertas cita previa no teléfono 981665597 axúdasnos a organizarnos mellor e atenderémoste de preferencia.
Podedes consultar toda a información sobre tarifas, listaxes, normas e prazos, así como acceder ao citado formulario, na seguinte ligazón.