Recordamos que desde hoxe día 15 de maio ata o 28 de maio está aberto o prazo de matrícula nos campamentos de verán do Concello. Podedes ver as listas na seguinte ligazón do Concello – LISTAXES
COMO FACER A MATRÍCULA
Unha vez que se comprobe que a/o nena/o foi admitida/o, poderase formalizar a matrícula.
O prazo de matrícula é do 15 ao 28 de maio, ambos os dous días incluídos.
Para formalizala, haberá que achegar ao correo electrónico campamentos@culleredo.es o xustificante bancario do pago da cota do campamento que corresponda.
O pago deberá facerse no número de conta ES79 2080 0065 37 3110000020 de Abanca.
No concepto do pago deberá poñer Mañás de campamento + nome(s) ou apelido(s) dos participantes.
Cando nolo envíes ao correo, non esquezas identificar o(s) nome(s) do/a(s) neno/a(s), a quenda de campamento que corresponda e, de ser o caso, se teñen servizos complementarios de xantar e/ou almorzo.
Se unha vez que remate este prazo, as persoas admitidas non formalizaron a matrícula, perderán a praza e chamarase (ata dúas veces) ás que figuran na lista de agarda por orde.
AUTORIZACIÓNS PARA A RECOLLIDA DOS MENORES
Recorda que o primeiro día, segundo a data que corresponda, haberá que entregar na instalación do campamento debidamente cuberto e asinado por ambos os proxenitores (agás nos casos debidamente xustificados) o documento Autorizacións para a recollida dos menores, que podes descargar aquí, no que constarán o nome, apelidos, DNI/NIE/Pasaporte e teléfono de contacto daquelas persoas que estean autorizadas a recoller o/a menor do campamento.
Información recollida na web do Concello na seguinte ligazón Información Concello